Today News Update !

1:36 PM
Read


 ခရစ်နှစ် ၂၀၂၁ခုနှစ်၊ဇွန်လ၊၁၃ရက်နေ့

သတင်းများ စုစည်းဖေါ်ပြချက်

✅ သပိတ်နှင့် ဆန္ဒပြပွဲ

📝ပြည်နယ်၊ တိုင်းနှင့် မြို့နယ်အသီးသီးတွင် အမျိုးမျိုးသော သပိတ်စစ်ကြောင်းများ ပေါ်ထွက် ပြုလုပ်လျက်ရှိ နေတယ်ဟု တွေ့ရှိရပါတယ်။ (Source - မြေပြင်သတင်းတပ်ဖွဲ့)
📝ဂျာမနီနိုင်ငံ ဟမ်းဘတ်မြို့နေ မြန်မာတက်ကြွလှုပ်ရှားသူများက မွေးရပ်ဇာတိမြေတွင် စစ်အာဏာသိမ်းမှုဆန့်ကျင်ဆန္ဒပြ။
📝ချက်နိုင်ငံ၊ ပရာ့ဂ် မြို့မှာ ကမ္ဘာလုံးဆိုင်ရာ မြန်မာ့နွေဦးတော်လှန်ရေး လှုပ်ရှားမှု ( Global Myanmar Spring Revolution ) ပြုလုပ်။
📝ကမ္ဘာလုံးဆိုင်ရာ မြန်မာ့နွေဦး တော်လှန်ရေးနေ့ ကိုရီးယားတွင်လည်း ကျင်းပ။
📝ဂျပန်နိုင်ငံ၊ ရှီဇုအိုကာမြို့တွင် ဂျပန်ရောက်မြန်မာနိုင်ငံသားများ နေ့လယ် ၁၁ နာရီ (ဂျပန် စံတော်ချိန်) တွင် ကမ္ဘာလုံးဆိုင်ရာ မြန်မာ့နွေဦတော်လှန်ရေးနေ့ အထိမ်းအမှတ် လမ်းလျှောက် ချီတက်ပွဲ ပြုလုပ်။
📝ယ​နေ့ သြစတေးလျနိုင်ငံ ဆစ်ဒနီမြို့က စစ်အာဏာရှင် ဆန့်ကျင်ရေး လှုပ်ရှား။
📝ပြင်သစ်နိုင်ငံ ပါရီမြို့မှာ ပြင်သစ်ရောက်မြန်မာများအဖွဲ့ (La Communauté Birmane de France) ဦးစီးပြီး မြန်မာပြည်သူများ၊ တိုင်းရင်းသားများ ဆန္ဒထုတ်ဖော် ပြင်သစ်များနှင့်ပြင်သစ်မီဒီယာသမားတချို့ တက်ရောက်။

✅ ဖမ်းဆီး၊ နှိပ်စက်၊ သတ်ဖြတ်

📝စကစက နန့်ဖယ်ခုံနှင့် ဒီးမော့ဆို ကျေးရွာများအတွင်း ဝင်ရောက်ပြီး ရွာသားများကို ဖမ်းဆီးနှိပ်စက်ကာ ပြည်သူ ၁ ဦးကို သတ်ဖြတ်။
📝ပုသိမ်ကြီးတွင် ရဲနှစ်ဦး အသတ်ခံရပြီးနောက် ဆန္ဒပြလူငယ်မှန်သမျှ အကြမ်း ဖက်စစ်ကောင်စီတပ်က လိုက်ဖမ်း၊ လူငယ် ၂ ဦးကို ဖမ်းမမိ၍ ကျန်းမာရေးမကောင်းသူ မိခင်၊ အစ်မနှင့်အစ်ကိုဖြစ်သူကို ဓားစာခံဖမ်းထား။
📝ယ​နေ့ တာချီလိတ်တွင် လူငယ် ၈ဦးကို စစ်ကောင်စီ ဖမ်းဆီး။ ဖမ်းဆီးခံရသူများမှာ မကာအိုခမ်းရပ်ကွက်မှ တစ်ဦးက၊ ပုန်းထွန်ရပ်ကွက်၊ ကျောက်တောင်ဘက်မှ ၃ဦးနှင့် အခြား ၄ဦး။
📝ရွှေကူမြို့တွင်းရှိ ပြည်သူများအား စစ်ကောင်စီတပ်မှ လိုက်လံဖမ်းဆီးနေ (၁၀ဦး) ထက်မနည်း ဖမ်းဆီးခံရ။
📝ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့်အမှုအပါအဝင် နိုင်ငံရေးအမှုများကို လိုက်ပါဆောင်ရွက်ပေးနေသည့် ကရင်ပြည်နယ်မှ ရှေ့နေနှစ်ဦး ဖမ်းဆီးခံရ။
📝မန္တလေးတိုင်း၊ မိုးကုတ်မြို့တွင် ဒီမိုကရေစီ အရေးတောင်းဆိုနေသည့် တစ်ဦးအား ဖမ်းမရသေးသည့်အတွက် ၎င်း၏ဇနီးဖြစ်သူနှင့် သမီးဖြစ်သူ ၃ နှစ်အရွယ် ကလေးကို ဖမ်းဆီးသွား။
📝ရန်ကင်း၊ ၉ရပ်ကွက် အတွင်း မိန်းကလေး ၃ ဦး ဖမ်းဆီးခံရ (6:00 PM)။

✅ ခြိမ်းခြောက်မှုများ

📝ကျောင်းတက်နေတဲ့ လားရှိုး (TTC)ကျောင်းက ဆရာ၊ ဆရာမတွေ အစည်းအဝေးလုပ်ပြီး CDM လုပ်သူတွေကို ခြိမ်းခြောက်နေ။
📝မန္တလေးမြို့က ရပ်ကွက်တချို့မှာ NUG/CRPH နဲ့ ပတ်သက်သူတွေကို ဖော်ထုတ်ဖမ်းဆီးဖို့ ခြိမ်းခြောက်စာတွေ လိုက်ကပ်ထား။
📝ဇွန်လ(၁၂)ရက် မနက်ပိုင်းမှာ ပြည်ခရိုင်၊ပေါင်းတလည်မြို့မှမီတာခမပေးဆောင်သူများကို မီတာခမပေးဆောင်ပါက မီးဖျက်မည်ဟူသော ခြိမ်းခြောက် စာရွက်များဝေ။

✅ ပေါက်ကွဲ၊ မီးလောင်မှုများ

📝အင်းယားလိခ် Hotel နားရှိ ၁၀၆ ၀င်းအတွင်း ပေါက်ကွဲမှုဖြစ်။
📝စမ်းချောင်း၊ ကျွန်းတောလမ်းမှာ အုပ်ချုပ်ရေးမှူး ကားဗုံးပေါက် (1:50 PM)။
📝ရွှေတောင်လေးကျွန်းဆီမီးမှာဘုန်းကြီးဝတ်နေတဲ့လူငယ်(၁)ဦးကိုဒလန်သတင်းပေးမှုဖြင့် စကစမှ ဖမ်းဆီး(10:30pm)။
📝12.6.2021 မနက် ၈နာရီဝန်းကျင်မှာ စစ်ဘေးရှောင်တွေအတွက် လွိုင်ကော်အဝေးပြေးကားဂိတ်သို့ အလှူရှင်တွေမှ ပေးပို့လာသောပစ္စည်းများကိုသွားယူရင် သက်မူးအောင်နှင့်မင်းဦးတို့ (၂)ဦးတို့ စစ်ခွေးတွေဖမ်းဆီး။
📝ခင်ဦးမြို့နယ် .စည်ပင်ရုံးကို ဗုံးပေါက်ကွဲ ၊ လူမထိခိုက်။
📝ရှမ်းပြည်နယ် ရဲတပ်ဖွဲ့ရုံးအရှေ့ ဗုံးပေါက်။
📝ထားဝယ်မြို့ ပေါက်ကွဲအသံတော်တော်ကြမ်း
(8.54pm)။

✅ ဖျက်ဆီး၊ လုယူမှု နှင့် ခိုးမှုများ

📝စကစမှ မင်းတပ်မြို့နယ်၊ ဘုရားစခန်းရွာရှိ လူနေအိမ်များ ဝင်ရောက်ဖျက်ဆီးပြီး ရွာသားအချို့ ပစ်ခတ်ခံရခြင်း‌ကြောင့် ဆေးကုသမှူ ခံယူရန်လိုအပ်နေ။
📝မင်းတပ်မြို့နယ် ဘောင်ထဲရွာ အပေါ် ခေါမ်ခွီးခြံဝန်းအတွင်း မီးလောင်မှုတွင် စစ်ရှောင်တွေရပ်ထားခဲ့တဲ့ဆိုင်ကယ်အစီး ၅၀ ကျော် နှင့် ကော်ဖီကြိတ်စက်ရှိသည့်တိုက်အိမ် တစ်လုံးကို စစ်ကောင်စီတပ်ဖွဲ့ တွေက လက်နက်ကြီးနှင့် ပစ်ရုံသာမက မိုင်းခွဲ ဖျက်ဆီးခဲ့ကြ။
📝စစ်​ကောင်စီတပ်သားများ ဆက်လက် အင်အားတိုးချဲ့​နေ။ ရပ်ရွာလူထု၏ အိမ်တွင်းပစ္စည်းများနှင့် စား​သောက်ကုန်များ ​နေ့စဥ်ရက်ဆက် ခိုးယူ စား​သောက်​နေ။
📝စစ်​ကောင်စီမှ မင်းတပ်မြို့ရှိ ​ရေသန့်စက်ရုံ တစ်ခု မိုင်းခွဲဖျက်ဆီးခဲ့ ။ မင်းတပ်တွင် ​ရေသန့် စက်ရုံ ၂ ရုံသာရှိ။ ကျန်တစ်ခုမှာ ကြံ့ခိုင်​ရေးနှင့် ဖွံ့ဖြိုး​ရေး ပါတီဝင်​ ပြည်နယ် ဝန်ကြီး​ဟောင်း တစ်ဦးက ပိုင်ဆိုင်​ကြောင်းသိရ။
📝 စစ်​ကောင်စီမှ မင်းတပ်မြို့နယ် နှင့် ကန်ပက်လက် မြို့နယ်များအတွင်းရှိ ခရစ်ယာန်ဘု​ရား ကျောင်းများ လိုက်လံ ဖျက်ဆီးပြီး ဘာသာ​ရေးဆိုင်ရာ စု​ငွေ (ဆယ်ဖို့တစ်ဖို့) စုဘူးများ ​ဖောက်ထုတ် ခိုးယူသွား။

✅ ပစ်ခတ်၊ ထိခိုက်၊ သေဆုံးမှုများ

📝တောင်ကြီးမြို့နယ်၊ မောက်စံကျေးရွာ‌တွင် (ဇွန်လ ၁၂ ရက်)၊ ညနေ ၃ နာရီဝန်းကျင်က NLD ပါတီဝင်တစ်ဦး သေနတ်ဖြင့် ပစ်သတ်ခံရ။
📝စစ်ကိုင်းတိုင်း ကန့်ဘလူမြို့တွင် ယမန်နေ့ (ဇွန် ၁၂) ညပိုင်းက ရဲတပ်ဖွဲ့ဝင်အချင်းချင်း ပစ်ခတ်မှုဖြစ်ခဲ့ရာ ဒုရဲအုပ်တစ်ဦး ရင်ဘတ်ကျည်ထိမှန်ပြီး အပြင်းအထန်ဒဏ်ရာရရှိ။
📝မြစ်ကြီးနား မြို့ မြစ်ဆုံသွားလမ်း ၁၁ မိုင်​​ကျော် လမုန်ဇွမ်​ကျေးရွာ ငြိမ်းချမ်း​ရေး ​ဂေဟာ​ရှေ့မှာ ယ​နေ့ည​နေ ၅ နာရီ​ကျော်ခန့်က စစ်​ကောင်စီ တပ်ကား နှစ်စီး မိုင်းခွဲတိုက်ခိုက်ခံရ။
📝မင်္ဂလာတောင်ညွန့်၊ ၁၂၂လမ်းထဲ လူငယ်တွေရန်ဖစ်တာ ဓါး၁၂ချက်ထိုး ၁ဦး ပွဲချင်းပီးသေ။
📝စစ်ကိုင်းတိုင်းဒေသကြီး ဒီပဲယင်းမြို့နယ်
ကြည်ရွာအုပ်ချုပ်ရေးမှူးရဲ့ သမီး(၂)ယောက်
ဒီနေ့ ဇွန်လ(၁၃)ရက် ညပိုင်းမှာ ဓားခုတ်ခံရ။
📝ဒီပဲယင်းမြို့နယ် အင်ပင်ယဒင် ကျေးရွာ အုပ်ချုပ်ရေးမှူးကို ညနေ ၅နာရီလောက်က သေနတ်ဖြင့်ပစ်သွား။ ဦးခေါင်းပွင့်သေဆုံး။

✅ ပြည်တွင်းသတင်း

📝တိုင်း နှင့် ပြည်နယ် အများတွင် ပြည်သူ့ကာကွယ်ရေးတပ် (PDF) များဆက်လက်ဖွဲ့စည်း။
📝ဒေါ်အောင်ဆန်းစုကြည်ကို တရားစွဲထားသည့် အမှုလေးမှုကို မနက်ဖြန် စတင်စစ်ဆေးမည်။
📝ပြည်သူတွေရဲ့နေအိမ်တွေကိုဖျက်ဆီးနေတဲ့အပြင် စစ်ကောင်စီတပ်၀တ်စုံတွေ၀င်းကကြံ့ခိုင်ရေးပါတီ၀င်တွေကိုပစ်မှတ်ထားတိုက်ခိုက်တော့မယ်လို့စစ်ကိုင်း PDF ကြေငြာ။
📝တောင်တွင်းကြီးမြို့ပညာရေးဌာနတွင် CDM ပညာ​ရေးဝန်ထမ်း​နေရာ အစားထိုးရန် စစ်​ကောင်စီကြိုးပမ်း။
📝ကရင်နီပြည်တွင် အကြမ်းဖက်စစ်​ကောင်စီတပ်များ​​ကြောင့် ကျဆုံးပြည်သူ ၅၀ရှိ။
📝CRPH, NUG , PDF တွင် မပါဝင်​ကြောင်း ဝန်ခံကတိမပြု​သော အမတ်များ အ​ရေးယူ​ရန် စစ်ကောင်စီက လျှို့ဝှက်အမိန့်ထုတ်၊ ဝန်ခံသူ အမတ်များအ​ကြောင်း ဝါဒဖြန့်မီဒီယာ​များတွင် စစ်​ကောင်စီ​ကြေညာမည်။
📝ဂန့်ဂေါမြို့နယ်မှာ အကြမ်းဖက်စစ်ကောင်စီတပ်တွေက ရွာတွေကို ဝင်မွှေရန်ပြင်ဆင်နေလို့ ဒေသခံတွေ ထွက်ပြေးနေရ။
📝တပ်ပြေး စစ်သားအချို့အား CDF- မင်းတပ် မှစောင့်ရှောက်ကူညီပေးထား။
📝ဇွန် ၁၂ရက်နေ့က ဒလန်သတင်းပေးကြောင့် ကက်သလစ် ဘုန်းတော်ကြီး ၆ ပါးအား ဖမ်းဆီးသွားပြီး ယနေ့မနက် (13.jun.21) ပြန်လွှတ်ပေး။
📝ချင်းပြည်နယ်၊ ထန်တလန်မြို့၊ Khua Hrin Tlang ကျေးရွာတွင် ဇွန်လ ၉ရက်နေ့တုန်းက စကစနှင့်PDFတို့တိုက်ပွဲဲဖြစ်ပွားခဲ့ပြီး။ အနီးကျေးရွာများမှ လူများ တောထဲသို့ ထွက်ပြေးတိမ်းရှောင်နေရ။
📝တောင်ဥက္ကလာပမြို့နယ်၊ နန္ဒဝန်ဈေးတဝိုက်ှင့် YBS များပေါ်တွင် ယနေ့ မွန်းလွဲပိုင်းက Gen Z လူငယ်များမှ "ဖက်ဒရယ်ရောင်နီ" တော်လှန်ရေးဂျာနယ် အစောင် ၅၀၀ ဖြန့်ဝေခဲ့။
📝ကချင်အမျိုးသား အစည်းအရုံး KNO ကနေ အထူးတပ်မဟာ ၁၀၈ ကို ဖွဲ့စည်းလိုက်တယ်လို့ ဇွန် ၁၂ ရက်နေ့မှာ ထုတ်ပြန်။
📝စကစ၏ လူမဆန်သည့်လုပ်ရပ်များ အမြန်ဆုံးရပ်တန့်ရန် ကုလနှင့် နိုင်ငံတကာအဖွဲ့အစည်းများအနေဖြင့် ဆက်လက်ဖိအားပေးဖို့ NUG က တောင်းဆို။
📝ဆေးပစ္စည်းများ နည်းပါးလာပြီး တစ်ရွာနှင့် တစ်ရွာ ကူးလူး၍ ပစ္စည်း​ဝေမျှရန် ခက်ခဲ။ လူနာများအတွက် ဆရာဝန်/ သူနာပြု နှင့် ​​ဆေးဝါးအ​ထောက်အကူများ လုံ​လောက်မှုမရှိ။
📝စစ်​ဘေး​ရှောင်ပြည်သူများ တစ်​နေ့ထက် တစ်​နေ့ ပိုမိုများပြားလာပြီး၊ မ​ကွေးတိုင်း ​ယော​ဒေသသို့ ဆက်လက်​ပြောင်း​ရွှေ့​နေကြရ။ COVID 19 ကိစ္စ စိုးရိမ်စရာဖြစ်။
📝ဒီနေ့ ယုဇနဥယျာဥ်မြို့‌တော် မှာ ပစ္စည်းပို့တဲ့မိန်းခလေးကို 5လွှာတိုက်ကိုပို့တာ ခွေး6 ကောင်က အခန်းထဲ အဓမ္မဆွဲခေါ်ပီး မုဒိန်းကျင့်။

✅နိုင်ငံတကာသတင်း

📝€3tn (နော်ဝေနိုင်ငံ Storebrand Asset Management ၊ အမေရိကန်အခြေစိုက် Domini Impact Investments နဲ့ advocacy group Heartland Initiaive တို့ဦးဆောင်တဲ့ ရင်းနှီးမြှုပ်နှံမှုကုမ္ပဏီ ၇၇) ရင်းနှီးမြှုပ်နှံသူများအဖွဲ့က စကစနှင့် စီးပွားရေးဆက်နွယ်နေသည့် ရင်းနှီး မြှုပ်နှံသူများကို လုပ်ငန်းများ ရုပ်သိမ်းရေး ဖိအားပေး။
📝အိန္ဒိယနိုင်ငံ နယ်စပ်တွင် မိဇိုးရမ်ပြည်နယ် တောင်ဘက် လှောင်တလိုင်ခရိုင်တွင် ဇွန် ၁၁ ရက်က Arakan Liberation Army (ALA) မှ အရာရှိတစ်ဦးအပါအဝင် တပ်ဖွဲ့ဝင်(၅) ဦးတို့ ဖမ်းဆီးခံရ။ ၎င်းတို့နဲ့အတူ သေနတ်၊ ကျည်ဆံ၊ လက်ပစ်ဗုံး နဲ့ အာသံရိုင်ဖယ်တပ် တွေပါ ဖမ်းမိ။
📝တရုတ်နိုင်ငံအလယ်ပိုင်းတွင် ဓာတ်ငွေ့ပိုက်လိုင်းပေါက်ကွဲ ၁၂ ဦးသေ၊ ၁၄၀ နီးပါးဒဏ်ရာရ။
📝မြန်မာ့အရေး ထိရောက်စွာ ကူညီနိုင်ရန် လွှတ်တော်တွင် အလေးအနက်ထား တောင်းဆိုသွားမည်ဟု ရှီဇုအိုကာ အမတ်များ ပြောဆို။
📝ဗြိတိန်နိုင်ငံ၊ Cornwall မြို့မှာ ကျင်းပနေတဲ့ G-7 စက်မှုထိပ်သီး ၇ နိုင်ငံရဲ့ ထိပ်သီးစည်းဝေးပွဲ ပြင်ပမှာ သီးခြားပြုလုပ်တဲ့ စည်းဝေးပွဲအတွင်း ဒေသတွင်း တခြားကိစ္စရပ်တွေ အပါအဝင် မြန်မာနိုင်ငံအရေး ထည့်သွင်းဆွေးနွေး။
📝နိုင်ငံပေါင်း ၂၅နိုင်ငံ မြို့ပေါင်း ၄၈ မြို့မှာ နိုင်ငံတကာစုပေါင်းလှုပ်ရှားအဖြစ် အကြမ်းဖက်စစ်ကောင်စီ ဆန့်ကျင်ရေးမြန်မာ့နွေဦးတော်လှန်ရေး ဆန္ဒပြပွဲနဲ့ G7 ကို တောင်းဆိုပွဲကို ကမ္ဘာလုံးဆိုင်ရာ ဆန္ဒပြပွဲကြီးအဖြစ် ဇွန်လ ၁၂ ရက်၁၃ရက် အဖြစ်သတ်မှတ်ကျင်းပ ကြရာမှာ ဂျပန်နိုင်ငံမှာလည်း ဇွန်လ ၁၃ရက်တနင်္ဂနွေနေ့မှာကျင်းပ။

Covid-19 News

📝လားရှိးမြိုတွင် (၉၀)ဦးကို စစ်ဆေးရာ (၁၁)ဦးတွင် Covid-19 ပိုးတွေ့။
📝လက်ပံတန်းမြို့မှာ ကိုဗစ်၁၉ ကူးဆက်လူနာ တစ်ပတ်အတွင်း ၉၀ဦးထိ ကူးဆက်ခံရပြီး တစ်ဦးသေဆုံး။
📝မန္တလေးမြို့ ကျွဲဆည်ကန်၃လမ်းမှ ကိုဗစ်ပိုးအတည်ပြုလူနာ နှစ်ဦးတွေ့။
📝ကလေးမြို့တွင် ကိုဗစ်နဲ့ ၄ ဦးသေဆုံး၊ စုစုပေါင်းသေဆုံးသူ ၃၀ ရှိ။
📝ဖလမ်းတွင် ကိုဗစ်လူနာ ၁ ဦးသေဆုံး။

✅ AAPP စာရင်းအရ

- အသတ်ခံရသူ - 863 ယောက်
- ဖမ်းဆီးခံရသူ - 6,028 ယောက်
- ထိန်းသိမ်းခံရသူ - 4,863 ယောက်
- အလိုရှိစာရင်း - 1,936 ယောက်

✅ ယနေ့ပြည်တွင်းစျေးနှုန်းများ

- ရွှေ [YGN - 1,478,000(23K), 1,578,000(24K)]
- ရွှေ [MDY - 1,478,000(23K), 1,578,000(24K)]
- USD [ 1,618 (sell), 1,615 (buy)]
- Diesel : 995MMK
- Premium Diesel : 1005MMK
- 92 : 995MMK
- 95 : 1080MMK
Tags :

Copyright (c) 2020 GK STUDIO

Created By themexpose